Anyway，通常 remake 一般都係衰硬咁滯，舊o個套仲要係我兒時至愛，我仲記得當年睇完上晒腦，日日練金雞獨立，要求阿媽俾我學空手道 (後尾學左跆拳道，因為我唔知有分別同埋可能我只係想著住件袍踢下野 :P) 所以之前都有 D 擔心，但當我知到有成龍 + Jaden Smith + 中國 + 功夫，加上外國影評普遍讚好，我先有反返 D 信心...
睇完發覺的確係好好睇，雖然大部份情節都差唔多一樣，但中國 location + 功夫確實增添左好多新鮮感。Jaden Smith 果然係 Will Smith 個仔，除左個樣成個餅印一樣之外仲遺傳到 D 演戲細胞，演得唔錯，成龍雖然現實生活都算係一名仆街，但無可否認佢 D 戲確實幾好，我喜歡佢戲入面既過去多過 Mr. Miyagi，結尾比賽高潮部份亦一樣拍得震奮人心! 套戲亦都夠晒長，所以好多野都可以交代得清楚，我唯一覺得唔夠好既係：1) Jaden o係學校被人恰得唔夠金 2) 初期o既"外套"訓練唔夠體力勞動，同成效唔成正比，同經典既 "Wax on, wax off" 差得遠 3) 成龍送比 Jaden 既戰衣無一個"代表性" o既 logo...除此之外，套戲都算娛樂性豐富，又有正面訊息，我覺得真係好o岩一家大細去睇，我覺得某程度上仲 enjoyable 過舊版，值得推薦!
Rating: 4.5/5
個小朋友真係幾好演技，不過唔係幾like個中國女無啦啦勁玩跳舞機...
ReplyDelete我鐘意以前一個情節話個女仔俾個有錢仔咀左啖仲要俾個主角係廚房見到，呢度無左..
不過有馬英九，補返數~
係啦，不過可能年齡關係，唔係好適合加入爭女情節...
ReplyDelete睇0左
ReplyDelete其實套戲唔太好，覺得好有一貫"英皇電影"0既風格 - 拍得夠豪，但好唔連貫，投入唔到佢地D感情戲
成龍幾場戲教功夫講武術哲學甚震奮人心，但除此之外就無以為繼，投入唔到Dre同佢老母離鄉別井0既愁緒（可能要鬼佬先體會到），發起打比賽同教功夫過程都好牽強，小奸角橫行霸道得唻好無說服力（可能中國人好少有種族歧視問題，要投入中國人Hup鬼佬有點難道） 成龍開頭深藏不露得唻又無背景交待，中間突然回憶過去打爛車果度唔知對個故事有咩contribution亦唔見交待到成龍個角色0既身份...唔通因為同老婆鬧交撞車所以要收歛脾氣而深藏不露?? Sorry真係好夾硬
成套戲0既戲肉當然係習武過程，但非習武0既場次就連貫得好差，雖然突然走去玩跳舞機幾過癮但都好公式化，小女角老豆老母唔俾交往呢D橋段...屌Sorry真係out0左廿年了...out都唔緊要，對小主角差唔多無impact咁濟，最後小女角屋企人接受返又唔會"登"阿Dre高興喎...
另外我都估做反派唔係于榮光就係盧惠光...真係中...Haha
仲有一開頭筷子夾鳥蠅，絕對係向前作致敬。我無睇過舊 Karate Kid，但我會feel到新不如舊...
Haha，sorry to hear that you didn't like it... 套戲其實同英皇無關係，英皇只係負責香港/內地發行。不過我見網上好多人討論都係因為反成龍而拒絕睇呢套戲，咁佢咁乞人憎真係無得好講。你講o既論點都唔係無理據，但我 overall 睇既時候真係唔覺得有你所講既問題。其實如果你睇返前作，一樣有晒你以上所講既"缺點"，我覺得呢個導師既角色唔係話咩深藏不露，只係高手唔一定要高調開班授徒，都可以做普通人o者，遇到主角收做徒弟係緣份，唔算係刻意隱藏。其實如果我無翻睇的話，前作o係我心目中可能真係不能取代咁好睇，但當我翻睇過之後，可能因為太舊，真係已經無左o個種好好睇，好激昂既感覺。但睇呢套既時候，佢俾到我有返呢種感覺，所以個人來講我絕對收貨!
ReplyDelete話時話你應該無可能會無睇過前作，可能只係你太細唔記得晒，我記得係o係又一村租帶睇既，同埋你記唔記得我有一排o係"小太陽"學跆拳道？