The Avengers

記得 Iron Man II 做既時候我先o岩o岩開始寫呢個 Blog，但由 Iron Man I，到 The Incredible Hulk，到 Iron Man II，到 Thor，到 Captain America，我都見證住每套個別英雄片片尾既 Avengers 電影暗示，而家望穿秋水套戲終於上畫，點都要寫一寫佢既!

The Avengers 絕對算係好睇! 雖然未至於好似 Dark Knight 或 Inception o個種 "正經級別" 咁 Perfect，但作為呢類 Superheroes/Summer Blockbuster movie, 佢完全有齊晒呢類片應有既要素，簡直已經可以列做示範級! 其實集合咁多位英雄既Avengers 能夠拍得成一套電影，當初一宣佈已經令一眾漫畫迷引頸以待，不過如果一廂情願覺得將咁多英雄擺埋一齊既電影難睇極有限，咁就真係太天真，你睇佢地連自己個人o個幾套電影都唔係拍得好就知 (無記錯我好似 Iron Man II/Thor/Captain America 都俾唔多過3.5分)，今次仲要一次過拍咁多個，所以一直以來我對呢套戲都只敢抱觀望態度，好驚佢會爛，好彩導演 Joss Whedon 無令我失望。講開 Joss Whedon ，其實佢本身都算係一個傳奇，編劇出身既佢寫過/拍過 Buffy The Vampire Slayer, Angel, Firefly, Serenity 等叫座力只屬一般既作品，Firefly 更加係一套被腰斬既電視劇，但係佢 D 作品神奇地都係到後來出碟先至無啦啦大獲好評，仲令佢因此吸納左一班死忠 fans。可能係因為咁，加上佢了解漫畫迷既口味, 所以 Avengers 呢個重任就落o係佢手上。我地睇英雄片想睇D咩呀? 無非都係 want to see our heroes shine! 想佢地個個都有足夠戲份各展所長，有精彩既打鬥，同埋最緊要係角色間有 Chemistry，而呢套戲真係做到了...

套戲既奸角係 Loki，所以同 Thor 既故事算係有多 D 關係，而 Captain America 電影裡面提到既"宇宙方塊"，呢度叫 "Tesaract"，同 Tony Stark 研發既 Arc Reactor 亦係劇情主線之一。我開頭都好擔心咁多位英雄之間既互動，會只局限於個 D 小學雞你串下我，我串下你既情節，但係個劇本真係寫得好，幾位主角性格好鮮明，每個人都有足夠戲分表現自己獨特既一面，片中不乏笑位，亦有(算係)感動位，眾人由衝突，猜疑，到團結一致對抗外敵，都舖排得幾好，每一個情節都能夠牽動到觀眾既情緒。所以你話如果導演功力少 D 都處理唔掂!

成套戲論戲份 Iron Man 無疑係佔比較重，可能話晒都係大明星，而且電影總要有個 lead 既，佢亦係唯一一個可以"帶埋女友"來到呢套 Avengers，其餘幾位既 love interest 今次直情影都無。今次 RDJ 又再一次演活了 Tony Stark，而今次終於都可以再一次讓我地可以見到平時牙斬斬，但到重要時刻認真起上來既 Tony (呢個原素我覺得o係 Iron Man II 欠缺左)，Mark VII 出場o個一幕更加熱血非常，連我都不禁暗叫："使唔使咁型呀?!"。而其餘既角色一D都唔失色，我開頭以為 Black Window 同 Hawkeye 呢兩個無出過個人電影既必定會淪為大茄，但原來唔係，佢地同其他幾個一樣咁好睇。就連另外兩位配角既 Agent, Phil Coulson 同 Maria Hill，都有令人印象深刻既表現，尤其係 Agent Coulson，佢o係 Iron Man I/II/Thor 只係出過幾幕，唔算係好重要既角色，但唔覺唔覺，後尾你會發現原來你都會幾 care 呢個角色...

真正變身後既 Hulk 其實算係出場得最少，但佢既"表現"絕對係最難忘，絕對係咁多個 Avengers 之中最正最多人喝采既! 無疑係成套戲我最喜愛既角色!

動作場面真係可以話無冷場，開頭幾場英雄互片可以話係為一眾漫畫迷而設，尾段大戰更加不乏精彩場面，導演將每個角色既異能/長處應用得好好，所以真係睇得過癮，最緊要係夠長同夠刺激，唔會好似之前 D 戲咁比人一種草草打完收工既感覺，熱血程度同 Transformers 3 尾段有得輝!

成套戲我唯一要挑剔既只係有幾幕關於 Hulk 既情節，其一係尾段變形後既 Hulk 明顯仲 keep 到 self control 同意識，但好似無講佢點可以做到。以我有限既 Marvel 知識，我知道 Bruce Banner 當年係因為研究 Super Soldier 血清唔成功，所以先變成 Hulk，而我睇過動畫有提過話 Bruce 因為 Captain America "復活"，所以可以見番佢真人，於是可以利用佢 D 新鮮血/細胞研製出可以令自己可以控制變形及保持 control 既血清，本來呢個劇情合理到非常，我仲以為佢會用落電影度，點知無，Banner 只係講過一句話："I'm always angry..."，唔通呢個就係秘訣？咁即係佢其實一直都 control 到？但點解中段又會追 Black Widow + 同 Thor 打？所以係呢度有少少唔明...

另外就係有一幕 Hulk vs Thor，Hulk 嘗試執起 Thor 個鐵鎚，但拎唔起。但其實o係漫畫裡面佢係拎得起，所以o個一幕我預左佢會拎得起，點知無。可能因為電影入面想佢地 D 能力 balance D，因為 Hulk 其實 suppose 係咁多個最勁o個個，癲起上來其餘幾個聯手都唔夠佢打，係佢女友 Betty Ross 先搞得佢掂。

同埋我老婆亦略嫌 Loki 作為主要奸角，太無乜作為兼無主見喎... :P 其實都係既...

套戲有 2D 同 3D/IMAX 3D 揀，但套戲並唔係用 IMAX 或 3D 拍攝，所以其實睇 2D 係最適合同最化算，但真係好少，D 無良院商點會有百幾蚊張飛唔賺比 2D 你揀? 所以我都逼住睇左 3D。但都係個句，出 Blu-ray 一定會買，要用屋企既器材重溫多次 2D 版先得!

片尾例牌有隱藏預告，今次出埋字幕提你，算係幾貼心，不過如果到而家都仲唔知 Marvel 電影既一貫作風，其實都唔適合睇戲啦... 隱藏片段中透露真正的大奸角：Thanos...

而字幕完左之後，suppose 有一幕係美國最近上畫先加既片段，係講成班人坐埋一齊食 shawarma，其實係響應番戲入面 Tony 曾經當講笑講過既一番說話，係個笑位來，但因為香港比美國早上畫左成個星期，所以我睇o個時未有呢一幕:

圖片由陳志廣提供 (Thanks bro!)

Pre-Avengers movie timeline (For those who don't know any better):

Rating: 4.5/5