最近在 Blu-Ray 上重溫了這兩部經典好戲，咁o岩都係由Tom Hanks主演。記得第一次睇 Green Mile o個時真係有種震蕩心靈既感覺，因為確係一個賺人熱淚既感人故事。事隔11年再睇返，震撼既感覺仍在，但多(少)了另一些感覺。之前睇覺得被獄卒 Percy 害得死狀可怖的 Del 十分慘，因為成套戲都塑造到佢係一個傻頭傻腦既好人，令人對佢既死法更加感到不值及對 Percy 的所作所為更加恨之入骨。但呢次睇既時候我不其然想起，Del 既為死囚，佢之前都應該係殺人放火，罪有應得，現在只不過是死得折騰一點罷了，憐憫之心頓時大減。可能係人大o左，理智o左? 定冷漠o左呢?
Apollo 13更加已經係 15 年前既戲，記得第一次係o係 Winnipeg 戲院睇，因為無字幕，自己D英文又渣，而且成套戲都係D technical terms，所以睇既時候原全唔知佢 up 緊乜! 所以無乜感覺，之後都無機會再睇返呢套戲，劇情更加已經忘記得一乾二淨，所以今次睇既時候可以當一套新片來睇，新鮮感都多左! 呢套真係一套精彩好戲，令我覺得當時睇唔明真係走寶。通常呢類片 (尤其牽涉太空人) D 英雄都係身負重任，乜都要自己做晒，當遇上危機，指揮中心 D 人往往只係識不知所措，藉以製造緊張氣氛。但呢套就o岩o岩相反，任務一開始無耐已經失敗，主角們只想平安回家，但困難重重，全靠地面指揮中心眾人各出奇謀，緊密協助，最後先可以渡過危機。所以最後主角們平安回到地球個一刻，群眾個種雀躍同激昂好能夠引起共鳴。
Rating:
The Green Mile: 4/5
Apollo 13: 4.5/5
i think i watched Appollo 13 with my family when i was young... and remembered it is an exciting film~ I think better than many similar type movie nowadays~ 無咁行貨~
ReplyDelete